Ég lifi í draumi Söngspírurnar & Karlakór Grafarvogs

Ég lifi í draumi Söngspírurnar & Karlakór Grafarvogs

Church of Grafarvogur, Fjörgyn 1, 112 Reykjavík Directions

Thu Nov 26 2026 20:00

Ég lifi í draumi

Söngspírurnar & Karlakór Grafarvogs

Söngspírurnar og Karlakór Grafarvogs leiða saman raddir sínar á stórglæsilegum tónleikum í Grafarvogskirkju fimmtudaginn 26. nóvember klukkan 20:00

Kórarnir eru svo sannarlega ekki ókunnugir hvor öðrum, enda er þetta í sjötta sinn sem þeir sameina krafta sína á tónleikum. Samstarfið hefur ávallt verið einstaklega ánægjulegt og nú er komið að enn einni tónlistarveislunni!

Stjórnandi beggja kóranna er Íris Erlingsdóttir.

Efnisskráin er fjölbreytt og skemmtileg og ættu allir að finna eitthvað við sitt hæfi. Sérstaka athygli vekur þó stórbrotið lokalag tónleikanna, Circle of Life, úr Disney-kvikmyndinni The Lion King. Lagið er eftir Elton John við texta Tim Rice og er sannkölluð perla sem fær að njóta sín í flutningi kóranna tveggja.

Úrval tónlistarfólks skipar hljómsveitina:

Kjartan Valdimarsson – píanó

Vignir Þór Stefánsson – píanó

Haukur Gröndal – saxófónn og klarínett

Jóhann Hjörleifsson – trommur

Matthías Stefánsson – fiðla

Þorgrímur Jónsson – bassi

Þórður Árnason – gítar

Það er því óhætt að lofa glæsilegri tónlistarupplifun þar sem kraftmikill kórsöngur, fallegar raddir og frábær hljóðfæraleikur mætast.

Við bjóðum ykkur hjartanlega velkomin á tónleika sem enginn tónlistarunnandi ætti að láta fram hjá sér fara!